Аляксандр Карлюкевіч: Галоўнае месца на свяце “Дзень беларускага пісьменства” будзе займаць кніга

12 жніўня Слонімшчыну наведала рэспубліканская рабочая група па падрыхтоўцы і правядзенню Дня беларускага пісьменства на чале з міністрам інфармацыі Рэспублікі Беларусь Аляксандрам Мікалаевічам Карлюкевічам.

Разам з раённымі ўладамі госці падрабязна разгледзелі стан падрыхтоўкі аб’ектаў да рэспубліканскага свята, а таксама абмеркавалі праграму мерапрыемства.

– Ужо вельмі шмат зроблена, гэта імпаніруе, – адзначыў у размове з журналістамі Аляксандр Мікалаевіч. – Яснасць ёсць па адкрыццю помніка Льву Сапегу. Я лічу, што гэта знакавая падзея не толькі для Слоніма, а і ўвогуле для нашай краіны. Таксама сёння была ўдакладнена праграма свята. Прыемна, што галоўнае месца падчас святкавання Дня беларускага пісьменства будзе займаць кніга, прыгожае роднае слова.

slonves.by