Cезон клубник

Спелыя і салодкія, з летнім водарам, самыя жаданыя ягады – клубніцы – з’явіліся на прылаўках магазінаў Зэльвенскага філіяла Гродзенскага аблспажыўтаварыства. У гэтым сезоне кошт на іх вар’іруецца ад 10 да 20 тысяч за кілаграм. Ёсць меркаванне, што ягада будзе таннець. Так ці не?

– На закупачны кошт уплывае шэраг фактараў, і ён увесь час мяняецца, – расказвае намеснік дырэктара па прамысловасці і нарыхтоўцы Людміла Валюк. – Напрыклад, дзень выдаўся сонечны, таму і пакупнікоў, і прадаўцоў будзе больш. У выніку – цана можа падскочыць. Назаўтра пераменная воблачнасць, цана можа памяняцца тры разы на дзень. Канкрэтную лічбу ніхто назваць не бярэцца.

Пакуль прагнозы на сёлетні ўраджай у “клубнічным лунінецкім краі”, дзе і закупляецца нашым раёнам ягада, выдатныя. Але, як вядома, усё залежыць ад метэаўмоў. Істотныя карэктывы ў першапачатковыя планы нарыхтоўкі клубніц у мінулым годзе ўнесла менавіта надвор’е. Нягле-дзячы на гэта, было закуплена 12,5 тон клубніц для таварнай і прамысловай перапрацоўкі. Сёлета плануецца нарыхтаваць 15 тон. Праз пункты рознічнага продажу ўжо рэалізавана больш за 3 тоны. Пакаштаваць ягаду змаглі як жыхары пасёлка, так і сельскае насельніцтва. Каб частку закупленага тавару своечасова рэалізаваць (а клубніцы, як вядома, хутка псуюцца), гандляваць выязджалі ў Ваўкавыск і Слонім. На прылаўках магазінаў у розныя дні цана была неаднолькавая. Калі першы прывоз каштаваў 20 800 рублёў за кіла-грам, то ўжо на гэтым тыдні цана знізілася да 10 000 рублёў. 

– Знешні выгляд прываблівае пакупніка. Ягада вялікая, цёмна-чырвоная, – адзначае Людміла Канстанцінаўна. – На смак – сакавітая. Можа хто і скажа, што не такая, як з уласнага агароду, але іншым выбіраць не прыходзіцца. 

Посуд, даверху напоўнены клубніцамі, можна ўбачыць і на прылаўках рынку. Зэльвенскія клапатлівыя гаспадары прапануюць не толькі садовую, але і лясную ягаду, а таксама першыя агурочкі, капусту і кроп. Цэны крыху адрозніваюцца – за кілаграм клубніц неабходна аддаць 20 000, за літровы слоік суніц – 25 000 рублёў. Здаецца і дарагавата, але колькі працы, сіл і старання патрабуюць вырашчаныя і сабраныя сваімі рукамі гэтыя смачныя ягады.

Гэта цікава

• Вучоныя даказалі, што ўсяго некалькі порцый клубніц на тыдзень здольны скараціць рызыку інфаркту ў жанчын. Клубніцы багаты флаваноідамі, якія станоўча ўплываюць на работу сардэчна-сасудзістай сістэмы. Гэтыя прыродныя злучэнні пашыраюць артэрыі і перашкаджаюць утварэнню халестэрынавых бляшак.

’• Акрамя таго, у ягадзе шмат мікраэлементаў, якія садзейнічаюць спальванню тлушчу. У 100 грамах прадукту ўтрымліваецца не больш за 20 грамаў калорый.

• Клубніцы паляпшаюць страваванне, станоўча ўплываюць на крывяносную сістэму, а таксама павышаюць імунітэт. Салодкая ягада дапамагае процістаяць рызыцы развіцця раку, а таксама эфектыўна адбельвае зубы. Італьянскія і іспанскія вучоныя даказалі, што клубніцы эфектыўна захоўваюць скуру ад ультрафіялетавага выпраменьвання.

Карысныя парады

•  На ўчастку, дзе растуць клубніцы, зрэжце вусы, пакіньце толькі тыя, якія патрэбны для атрымання расады. Пры з’яўленні завязі пад пладаносныя кусты пакла-дзіце салому, кардон, плёнку і іншыя матэрыялы для перасцярогі ягад ад забруджвання і за-     гнівання ў сырое надвор’е.

• Калі на клубніцах з’явіўся клешч, паспрабуйце пазбавіцца ад яго з дапамогай раствору хвойнага экстракту. Калі такога няма, можна набраць у лесе хвойных іголак у такой колькасці, каб хапіла падсыпаць пад кожны кусцік.