Чтобы праздник удался, трудились вместе

Ганненскі кірмаш – знакавая падзея для ўсіх жыхароў Зэльвеншчыны, таму не дзіўна, што ўсе рыхтаваліся да яго ахвотна, арганізавана, праяўляючы свае фантазію і талент. 

Загадзя былі вызначаны пляцоўкі, дзе, згодна з праграмай, павінны былі адбывацца асноўныя дзеі свята, а таксама адказныя за іх афармленне.  

Ужо ў чацвер на цэнтральнай плошчы пачаўся мантаж вялікай крытай сцэны. Спецыялістам з Ваўкавыска дапамагалі зэльвенскія камунальнікі, таму асноўныя работы былі праведзены аператыўна. Вечарам гэтага ж дня сцэна ўжо была ўстаноўлена.     

Аднымі з першых да афарм-лення гандлёвых радоў пры-ступілі работнікі Зэльвенскага філіяла Гродзенскага аблспажыўтаварыства. Пакуль вакол цэнтральнага сквера ўстанаўлівалі і ўпрыгожвалі міні-магазіны, кандытары, пекары і работнікі каўбаснага цэха чаравалі над святочнымі прысмакамі і вырабамі. У кірмашовым гандлі было шмат новай прадукцыі, якая задаволіла пакупнікоў не толькі смакавымі якасцямі, але і мела прыгожы вы-гляд, сваю адметнасць.  

Дружна прыняліся за абуладкаванне падворкаў калектывы сельсаветаў і сельгас-прадпрыемстваў. Да справы многія падышлі з фантазіяй. Для афармлення выкарыстоў-валіся вышыванкі, прылады працы і быту, а таксама выра-шчаная ўласнымі рукамі садавіна і гародніна, прыродныя і штучныя матэрыялы. Кожны імкнуўся зрабіць сваю пляцоўку самай прывабнай. І многім гэта ўдалося.

 – Абуладкаванне падворка, – адзначае добра вядомы ўсім умелец з СВК “Сынкавічы” Мікалай Букаты, – пачалі з будаўніцтва імправізаванай вясковай хаты. Затым, як і належыць сапраўднаму гаспадару, устанавілі агароджу і ўжо потым аздаблялі тэрыторыю цікавымі кампазіцыямі. Ну, і вядома ж, які сялянскі падворак без жыўнасці?! Таму хатняя жывёла была абавязковым атрыбутам нашай сядзібы. 

Загадзя паклапаціліся пра свае аб’екты да кірмашу і бытавікі. Рабочыя вывешвалі на будынках шыльды з надпісамі, устанаўлівалі гандлёвую альтанку. Швачкі і вязальшчыцы ў гэты час былі заняты на сваіх працоўных месцах.   

У пятніцу работа яшчэ больш ажывілася. На кожнай пляцоўцы рупліва працавалі прадстаўнікі прадпрыемстваў, арганізацый, прадпрымальнікі, рамеснікі не толькі нашага раёна, але і з іншых рэгіёнаў. Каб прыцягнуць увагу пакупнікоў, яны імкнуліся арыгінальна аформіць свае кірмашовыя месцы. 

У гэты дзень цікавыя кампазіцыі з саломы з’явіліся ў розных месцах Зэльвы дзякуючы ўмельцам з устаноў адукацыі раёна. 

Каб Зэльва выглядала прыгожай і прыбранай, стараліся і работнікі РУП ЖКГ. 

У  падрыхтоўцы да кірмашу

былі задзейнічаны і супрацоўнікі раённых аддзелаў унутраных спраў і па надзвычайных сітуацыях. Для іх галоўнай задачай было забяспечыць надзейны парадак і бяспеку на ўсіх святочных  аб’ектах.