Деречинский костел: дорога длиною в 100 лет

18 жніўня 2013 года адбудзецца ўрачыстасць з нагоды 100-гадовага святкавання юбілею касцёла Унебаўзяцця Найсвяцейшай Панны Марыі ў Дзярэчыне. Знаёмім чытачоў з гісторыяй святыні, яе асноўнымі этапамі станаўлення і роляю ў духоўным жыцці мясцовага насельніцтва.

21 верасня 2003 г. у парафіі адбылася вялікая ўрачыстасць, якая сабрала шмат гасцей. Вернікі прымалі ўдзел у юбілейнай Святой Імшы па-дзякі за 90 год пабудовы касцёла (1913 г.) і 10 год заканчэння яго аднаўлення (1993 г.). Мясцовая моладзь у нацыянальных касцюмах вітала хлебам і соллю Ардынарыя Гро-дзенскай дыяцэзіі ксяндза біскупа Аляксандра Кашкевіча, рэктара польскай каталіцкай місіі ў Францыі ксяндза прэлата Станіслава Ежа, дзекана айца Вітольда Жэльветра, які садзейнічаў аднаўленню святыні, ксяндза Анджэя Міхалэка, Генеральнага настаяцеля самарытанаў, супольнасці, якая прыслала ў Дзярэчын братоў Юзафа Файлера і Альбіна Кеслера, Генеральную маці самарытанак сястру Марыю Петру Захер. Святую Імшу ўзначаліў Апостальскі нунцый у Беларусі арцыбіскуп Іван Юрковіч, прысутнічалі таксама пасол Францыі ў Мінску з жонкай і Генеральны консул Польшчы. Аднак найважнейшым госцем урачыстасці быў, вядома ж, сам фундатар касцёла і новага дома для сясцёр – Жан Керхнер. 

Амаль 6 гадоў абавязкі пробашча ў Дзярэчыне выконваў ксёндз Аляксандр Брэйва (2004–2010 гг.). У 2009 г. быў заменены дах на касцёле і ўзмоцнена касцёльная вежа. Дзярэчынскі пробашч абслугоўваў таксама касцёл у Луконіцы і капліцу ў Старым Сяле.

У маі 2010 г. дэкрэтам Ардынарыя Гродзенскай дыяцэзіі новым пробашчам у Дзярэчын прызначаны ксёндз Яўген Учкуроніс, які нарадзіўся 2 снежня 1979 г. у Доцішках Воранаўскага раёна. Святарскія пасвечанні атрымаў 29 мая 2004 г. з рук Яго Эксцэленцыі ксяндза біскупа Аляксандра Кашкевіча.

У 2011 г. былі арганізаваны 2 Ружанцовыя колы: “Маці Божай Вастрабрамскай” і “Святой Сям’і”. 16 лістапада 2011 г., ва Урачыстасць Маці Божай Вастрабрамскай, адбылася сустрэча святароў аднакурснікаў ксяндза пробашча. У Імшы падзякі за дар святарства ўдзельнічалі 7 святароў і многія вернікі. 

19–21 красавіка 2012 г. у касцёле адбылася перэгрынацыя абраза Езуса Міласэрнага. У парафіяльнай хроніцы былі запісаны такія словы: “На працягу трох дзён мы з вялікай набожнасцю аддавалі пашану Езусу Міласэрнаму, дзякавалі за 20 год нашай дыяцэзіі і біскупскай сакры нашага Ардынарыя. Святыя Імшы аб Божай Міласэрнасці з адпаведнымі літургічнымі навукамі, Святая Камунія, адарацыя Найсвяцейшага Сакраманту, гадзіна Міласэрнасці, Споведзь, прыватная малітва, акт аддання нашай парафіі Божай Міласэрнасці – за гэтыя вялікія дары Богу Айцу міласэрнаму хвала і падзяка”. 

Летам 2012 г., дзякуючы шчодрасці вернікаў і людзей добрай волі, быў адрамантаваны інтэр’ер касцёла. У ліпені гэтага ж года парафію наведалі госці з Аўстрыі на чале з братам Юзафам Файлерам. 

 25–26 ліпеня 2013 г. адбылася перэгрынацыя рэліквій святой Тэрэзы ад Дзіцятка Езус. У супольных малітвах прынялі ўдзел не толькі католікі, але і праваслаўныя. Падчас Святой Імшы выслухалі цудоўную гамілію пра жыццё і шлях да святасці святой Тэрэзы. 

У пачатку 2013 г. распачалася падрыхтоўка да вялікага юбілею 100-годдзя касцёла i 20-годдзя рэканструкцыі і аднаўлення рэлігійнага жыцця ў парафіі. Галоўныя ўрачыстасці адбудуцца 18 жніўня. Святая Імша пад кіраўніцтвам Яго Эксцэленцыі ксяндза біскупа Аляксандра Кашкевіча распачнецца ў 11 гадзін. Ва ўрачыстасцях прымуць удзел таксама Яго Эксцэленцыі ксёндз біскуп Антоні Дзям’янка, ардынарый Пінскай дыяцэзіі, Яго Эксцэленцыі ксёндз біскуп Казімір Велікаселец, суфраган, шматлікія святары, манаскія сёстры, вернікі і госці з Аўстрыі (на чале з братам Юзэфам Файлерам) Германіі, Польшчы і Літвы.