Дружеская ничья

У сакавіку прайшла таварыская спартыўная сустрэча паміж вучнямі 5–9 класаў Ялуцавіцкага дз/с-БШ і Князеўскай гімназіі. 

Настаўнікі фізічнай культуры і здароўя Наталля Суша і Ірына Гойшык падрыхтавалі цікавую конкурсную праграму. Спаборніцтвы праходзілі напружана: каманды па чарзе вырываліся ўперад па колькасці набраных балаў. 

Каб падбадзёрыць сваіх школьных сяброў, балельшчыкі падрыхтавалі плакаты са словамі “Так трымаць!”, “Малайцы!”. Настаўнікі таксама не стрымлівалі свайго хвалявання і ў кароткія моманты перапынкаў паміж конкурснымі выступленнямі давалі слушныя парады сваім вучням. 

Апошняя комплекс-

ная эстафета, якая давала шанц адной з каманд выйсці ў лідары, пацвердзіла, што ў сапраўдных сяброў усё па-сяброўску: нават перамога можа быць агульнай. І тым прыемней было пры падвядзенні вынікаў членам каманд паціснуць рукі сапернікам.  

Старшыня журы Ганна Каленка ўручыла юным спартсменам граматы. 

Верыцца, што наступная сяброўская сустрэча князеўскіх і ялуцавіцкіх школьнікаў не прымусіць сябе доўга чакаць, і гукі вясёлага спартыўнага марша паклічуць юных спартсменаў да новых перамог.

Анастасія  МАЗЕЦ, вучаніца  8 “А” класа:

–З ялуцавіцкімі вучнямі мы сябруем даўно. Гэта і зразумела, многія з іх жывуць на тэрыторыі Крамяніцкага сельсавета. Вельмі прыемна было сустрэцца ў сценах гімназіі, каб памерацца спрытам і вынос-лівасцю. 

Наталля СУША, 

настаўнік фізічнай культуры і здароўя:

–Правядзенне такіх мерапрыемстваў з’яўляецца добрым выхаваўчым стымулам і прапагандуе неабходнасць прытрымлівацца здаровага ладу жыцця са школьнага ўзросту. Да таго ж такія сяброўскія візіты даюць магчымасць разнастаіць формы арганізацыі работы з вучнямі па месцы жыхарства.