Ідут экзамены

Пасля ўрачыстых школьных лінеек з нагоды заканчэння чарговага навучальнага года большасць хлопчыкаў і дзяўчынак радасна ўскрыкнулі: “Ура! Летнія канікулы!”. А гэта значыць, наступіла шчаслівая пара адпачынку. У адрозненне ад дзевяці- і адзінаццацікласнікаў. Ужо ў суботу, 1 чэрвеня, у 9 гадзін у іх пачаліся экзаменацыйныя іспыты.

Дарэчы, дзевяцікласнікі будуць здаваць чатыры абавязковыя экзамены: па беларускай і рускай мове, матэматыцы і гісторыі Беларусі. Пасля заканчэння адзінаццаці класаў рэгламент наступны: тры абавязковыя экзамены і чацвёрты на выбар школьніка. Асноўная праграма – беларуская або руская мова, матэматыка ў пісьмовай форме, замежная – вусна. Чацвёрты будзе праводзіцца ў вуснай форме.

Раённы выпускны баль адбудзецца 11 чэрвеня, паколькі 14 чэрвеня тыя, хто вызначыў для сябе далейшае атрыманне адукацыі ў сярэдніх спецыяльных і вышэйшых навучальных установах, будуць трымаць іспыты па цэнтралізаваным тэсціраванні.

Поспехаў вам, выпускнікі!