Калядную інсцэніроўку прадэманстравалі маленькія прыхаджане зэльвенскага касцёла (+Відэа)

Віншаванні са святам Божага Нараджэння падрыхтавалі юныя прыхаджане касцёла Святой Тройцы г.п.Зэльва. Сёння перад пачаткам святочнага богаслужэння яны прадэманстравалі тэатралізаваную пастаноўку каляднай тэматыкі. З замілаваннем вернікі слухалі мілагучныя спевы ў выкананні хору пад кіраўніцтвам катэхеткі Таццяны Кароза. Хлопчыкі і дзяўчынкі актыўна ўжыліся ў ролі. Яны выступалі ў вобразах рэлігійных персанажаў, якія абвяшчалі прысутным радасную вестку аб Божым Нараджэнні. Пастаноўка маленькіх артыстаў у сучаснай інтэрпрэтацыі выклікала заслужаныя апладысменты гледачоў.На        Наталля МАЦЮК