Первые тонны зимних запасов
Максімальную колькасць тэхнікі задзейнічалі сёлета на ўборцы траў першага ўкосу ў СГФ “Дабраселецкі”. Перад працаўнікамі гаспадаркі пастаўлена задача назапасіць 726 т сена, 10739 т сенажу і 14337 т сіласу. Па стане на 7 чэрвеня тут ужо нарыхтавалі 2500 т сенажу, ці 23% ад запланаванага.
Пры падрыхтоўцы да сезона не пакінулі без увагі пытанні аховы працы, супрацьпажарнай і тэхнікі бяспекі. З удзельнікамі “зялёнага канвеера” правялі інструктажы, забяспечылі спецвопраткай, тэхніку ўкамплектавалі медыцынскімі аптэчкамі і вогнетушыцелямі.
На касавіцы задзейнічаны як маладыя механізатары, так і земляробы з багатым вопытам. Сярод моладзі вызначаецца Аляксандр Квачанюк, які ўжо не раз быў лідарам на розных відах работ. Зусім нядаўна на агрэгаце “Раса” ён займаўся падкормкай азімых культур, мнагалетніх траў, сенажацяў і пашы, а ўжо на корманарыхтоўчым камбайне “Ягуар” убраў травы з плошчы 340 га.
Урокі працавітасці малады механізатар бярэ ў старэйшых калег. Для прыкладу, Юрый Гоздзік працуе ў сельгасвытворчасці 25 гадоў. Свой выбар Юрый Мікалаевіч зрабіў яшчэ ў маладыя гады: як і бацька, сеў за руль трактара. Лічыць, што сезонныя цяжкасці, такія як работа ў полі з раніцы да позняга вечара, толькі загартавалі яго характар. Нядаўна механізатар атрымаў новую касілку КПР-9 “Палессе” і цяпер разам з Сяргеем Бандыкам, Вадзімам Лухтанам, Міхаілам Захаркам і Анато-ліем Грасевічам займаецца касьбой траў. Таксама чвэрць стагоддзя працуе ў гаспадарцы і Ула-дзімір Кавалюк, які на трактары “МТЗ-80” заняты на зграбанні зялёнай масы, якую аператыўна дастаўляюць да месцаў закладкі вадзіцелі Анатолій Бандык, Аляксандр Крукоўскі, Юрый Урбановіч, Васілій Мазоль, механізатары Іван Лухтан і Іван Мазоль.
Дзякуючы добрасумленнай рабоце паляводаў Аркадзія Сакалоўскага і Валерыя Юхно, да закладкі зялёнай масы добра падрыхтаваны 7 траншэй з 8 наяўных (апошняя яшчэ знаходзіцца ў стадыі рэканструкцыі). Механізатары Ча-слаў Бяляўскі і Аляксандр Мазоль на трактарах “Амкадор” і “К-701” бесперапынна займаюцца трамбоўкай сенажу.