Первый укос во второй перерос

Летнія дні доўгія, але хутка праходзяць. У гэты перыяд даводзіцца вырашаць вельмі шмат пытанняў. Аднак старанныя людзі ўсё паспяваюць. У філіяле “Князева” максімальна эфектыўна выкарыстоўваюць кожны дзень і кожную гадзіну. Тым больш, што надвор’е прыспешвае земляробаў і дыктуе ім асаблівы рытм працы.

Ужо закладзена 1000 т сена і 13280 т сенажу, што складае, адпаведна, 92 і 61 працэнтаў ад плана. На ўмоўную галаву жывёлы назапашана па 9,5 цэнтнера кармавых адзінак, што на 1,1 больш за леташні ўзровень. Механізатары Уладзімір Паранюк, Анатолій Макарэвіч, Анатолій Ленец і Юрый Вязаў ужо ўбралі травы другога ўкосу на плошчы 150 га. Зграбаюць скошанае Барыс Копаць і Аляксей Заяц. Іх калега Дзмітрый Рачок працуе на новым прэс-падборшчыку “Тарнада”, які атрымаў летась. Механізатары нарыхтоўваюць за дзень да 100 т сена. 

Падсушаныя валкі на корманарыхтоўчых камбайнах “Ягуар” здрабняюць і грузяць у транспартныя адзінкі машыністы Аляксандр Сцепанчук і Генрых Русецкі – актыўныя ўдзельнікі ўсіх палявых работ, людзі адказныя, якія любяць і берагуць тэхніку, пастаянна падтрымліваюць яе ў спраўным стане.

Адначасова вядуцца і іншыя работы. Завершаны хімпраполка яравых зерневых і зернебабовых, кукурузы і грэчкі, падкормка цукровых буракоў. Цяпер механізатар Яўгеній Гогалеў прыкладвае ўсе намаганні, каб хутчэй апрацаваць плошчы, засеяныя кукурузай, а гэта 1550 га. За дзень ён уносіць КАС на 70 га. Фунгіцыднай апрацоўкай пасеваў ад хвароб займаецца Стані-слаў Лудзіч, які за 5 гадоў працы ў гаспадарцы зарэкамендаваў сябе сапраў-дным спецыялістам.

Першым у гаспадарцы на ўборку азімай свірэпіцы на камбайне “КЗС-1218” выехаў Уладзімір Марко. З 10 га пры ўраджайнасці 15 ц/га ён намалаціў 15 т насення. Паляводы Валянціна Квачанюк і Часлава Шапавал пад кіраўніцтвам загадчыка склада в.Каняўцы Станіслава Якалцэвіча даводзяць зерне на напольнай сушылцы да неабходнай кандыцыі. Аператары Аляксандр Карнацэвіч, Анатолій Жалудок і Павел Шніп завяршаюць рамонт зернесушылкі “М-819”.

Днямі першае паспеўшае поле насеннікаў мнагалетніх злакавых траў на камбайне “КЗС-1218” убраў камбайнер Павел Гарадок і намалаціў 5190 кг насення. Прыемна было назіраць, як лёгка малады механізатар спраўляўся з цяжкай габарытнай машынай.

Канвеер правядзення палявых работ у гаспадарцы гадамі адпрацаваны.  Для агульнай справы кожны работнік стараецца ўнесці свой пасільны ўклад. Маладыя людзі, якія прыходзяць на змену старэйшым, пераймаюць у іх лепшыя традыцыі.