Поклонились вечности

2 лістапада католікі адзначылі Дзень задушны, ці Успамін  усіх памерлых вернікаў. З гэтай нагоды ў касцёле Святой Троіцы г.п.Зэльва адбылася памінальная імша.

Пасля богаслужэння жалобная працэсія накіравалася на могілкі пасёлка. Тут была сумесна адгаворана малітва за спачыўшых (на здымку), пасля чаго ксёндз Яцэк Маркель асвяціў новыя магілы і помнікі. Годным знакам успаміну аб нашых продках з’яўляюцца запаленыя на магілах свечкі і прынесеныя кветкі. Але перш за ўсё – малітва за супакой душы памерлых, напоўненая просьбай, каб свяціла ім вечнае святло.

У нядзелю памінальная літургія распачалася зачытваннем імён  памерлых і спяваннем псальмаў за супакой іх душ.

Актава ўспаміну ўсіх памерлых вернікаў працягнецца да 8 лістапада.