Праца, якая заўсёды ў пашане

У раённым Доме культуры сабраліся лепшыя з лепшых працаўнікоў сельскай гаспадаркі раёна. Са словамі віншаванняў з нагоды свята і падзякі за добрасумленную працу да ўдзельнікаў урачыстасці звярнуліся старшыня райвыканкама Ян Пальчыс, прадстаўнік Гродзенскага аблвыканкама – начальнік упраўлення адукацыі Аляксандр Сонгін, старшыня райкама прафсаюза работнікаў АПК Аляксандр Прэдка. Яны ўручылі лепшым работнікам граматы і грашовыя прэміі. Шэраг перадавікоў і ветэранаў сельгасвытворчасці атрымалі каштоўныя падарункі ад прадпрыемстваў і арганізацый раёна. Прафесійнае свята – гэта яшчэ і добрая нагода падвесці вынікі работы. Як адзначыў начальнік упраўлення сельскай гаспадаркі і харчавання Яўгеній Грэцкі, земляробы ўжо завяршылі свой сельскагаспадарчы год і могуць з поўным правам рапартаваць аб дасягнутым. Сёлета атрыманы рэкордны ўраджай. Валавая вытворчасць збожжа (без кукурузы) склала 98,5 тыс. т у бункернай вазе (прыбаўка – 26 тыс. т). З кожнага гектара сабрана па 54,6 ц (+ 12,9 ц). Найбольшая ўраджайнасць у філіяле «Князева» – 77 ц/га. У вытворчым участку № 1, які ўзначальвае Аляксандр Чура, кожны гектар даў па 80,7 ц/га, у вытворчым участку №2 (загадчык Генадзій Яскевіч) – па 78,9, у вытворчым участку № 3 (загадчык Часлаў Мілюк) – па 77,1 ц/га. Старанна папрацавалі князеўскія земляробы і на вырошчванні цукровых буракоў: ураджайнасць салодкіх каранёў самая высокая ў раёне – 520 ц/га, а ў вытворчым участку №2 яна склала 540 ц/га. Высокую культуру земляробства з года ў год забяспечваюць хлебаробы СВК “Сынкавічы”: сёлета кожны гектар зерневых даў па 62 ц/га. А ў вытворчым участку №3, якім загадвае Часлаў Кароль, вырасцілі самы высокі ў раёне ўраджай цукровых буракоў – 562 ц/га. Умеюць вырошчваць зерневыя культуры і ў іншых сельгаскааператывах. Так, у вытворчым участку №2 СВК “Галынка” (загадчык Генадзій Гарадок) атрымалі з кожнага гектара па 73 ц. Ёсць поспехі і ў жывёлагадоўлі. Нарошчваюцца аб’ёмы вытворчасці мяса і малака. За 10 месяцаў бягучага года вытворчасць малака павялічылася на 6,1% і склала 43,1 тыс. т. Лепшых вынікаў дабіліся жывёлаводы СВК “Сынкавічы”, “Галынка”, філіяла “Князева”, дзе прадукцыйнасць дойнага статка за 10 месяцаў перавысіла 4 тыс. кг малака. Для далейшага ўстойлівага развіцця жывёлагадоўлі ёсць трывалы запас кармоў: нарыхтавана 8 тыс. т сена, 95 – сенажу і 154 – сіласу. У разліку на ўмоўную галаву жывёлы прыходзіц-ца па 26,6 ц к. адз. Найбольшую прыбаўку па нарыхтоўцы кармоў на ўмоўную галаву забяспечылі СВК “Караліно” і “Галынка”. Яўгеній Грэцкі назваў прозвішчы работнікаў сельскай гаспадаркі, дзякуючы самаадданай працы якіх забяспечаны высокія паказчыкі. Аб многіх з іх “Праца” неаднаразова расказвала на сваіх старонках і будзе далей праслаўляць іх дзейнасць. На свяце словы ўдзячнасці за важкі ўклад у развіццё сельгасвытворчасці былі сказаны ў адрас работнікаў Зэльвенскай сельгасхіміі, ПМС, Зэльвенскага буракапрыёмнага пункта, а таксама ўсіх абслугоўваючых прадпрыемстваў. Яўгеній Васільевіч павіншаваў усіх са святам і пажадаў моцнага здароўя, сямейнага дабрабыту, далейшых працоўных поспехаў. Віктар МАКОЎСКІ.

На раённым урачыстым сходзе, прысвечаным Дню работнікаў сельскай гаспадаркі і перапрацоўчай прамысловасці АПК, узнагароджаны: Ганаровай граматай раённага выканаўчага камітэта: САЗАНОВІЧ Святлана Канстанцінаўна, аператар машыннага даення філіяла “Князева”; ЖУК Анжэла Адамаўна, жывёлавод СВК “Караліно”; АДАМОВІЧ Святлана Лявонцьеўна, свінарка СГФ “Дабраселецкі”; АРЦЮХ Уладзімір Сяргеевіч, трактарыст-машыніст СВК “Міжэрычы”; БАДЗЯК Жанна Іванаўна, галоўны заатэхнік СВК “Галынка”; ПАРФЕНЧЫК Аляксандр Валянцінавіч, галоўны аграном СВК “Сынкавічы”; ПАТАПОВІЧ Сяргей Уладзіміравіч, трактарыст-машыніст СВК “Бародзічы”. Падзячным пісьмом старшыні раённага выканаўчага камітэта: ЯЦУЛЕВІЧ Павел Мікалаевіч, вадзіцель СВК “Караліно”; ВАЛЮК Казімір Казіміравіч, вадзіцель СВК “Бародзічы”; АНАНЬКА Вольга Віктараўна, аператар машыннага даення СВК “Галынка”; ПАРАНЮК Уладзімір Збігневіч, трактарыст-машыніст філіяла “Князева”; ВАРАНОВІЧ Святлана Аляксандраўна, аператар машыннага даення СВК “Міжэрычы”; ЛУХТАН Іван Іванавіч, трактарыст-машыніст СГФ “Дабраселецкі”; МІХАЛЬКЕВІЧ Алена Уладзіміраўна, аператар машыннага даення СВК “Сынкавічы”. Ганаровай граматай камітэта па сельскай гаспадарцы і харчаванні Гродзенскага абласнога выканаўчага камітэта: РЫНДА Іван Іосіфавіч, аператар па вырошчванні буйной рагатай жывёлы СГФ “Дабраселецкі”; ГРЫГОРЧЫК Таццяна Віктараўна, аператар машыннага даення СВК “Галынка”; ЖЫЛІЧ Анатолій Іванавіч, трактарыст-машыніст СВК “Бародзічы”; ЛАТУШКА Юрый Браніслававіч, вадзіцель філіяла “Князева”; МАЧОК Анатолій Мечыслававіч, вадзіцель СВК “Міжэрычы”; ГРЫЗ Раман Адамавіч, камбайнер філіяла “Князева”. Ганаровай граматай Гродзенскага абласнога камітэта Беларускага прафсаюза работнікаў АПК: МАСАЛЬСКІ Мікалай Аляксеевіч, трактарыст-машыніст СВК “Караліно”; АЛЯХНОВІЧ Максім Аляксандравіч, трактарыст-машыніст СВК “Бародзічы”. Падзякай Гродзенскага абласнога камітэта Беларускага прафсаюза работнікаў АПК: ЯНУШКА Юрый Тадэвушавіч, трактарыст-машыніст СВК “Караліно”; КАЧУК Алена Міхайлаўна, аператар па вырошчванні маладняку буйной рагатай жывёлы СВК “Бародзічы”. Ганаровай граматай раённага камітэта Беларускага прафсаюза работнікаў АПК: КУЗНЯЦОВА Ларыса Леанідаўна, аператар па вырошчванні буйной рагатай жывёлы СВК “Галынка”; КАЛЕНКА Аляксандр Браніслававіч, вадзіцель філіяла “Князева”; ЖАБРАК Тамара Уладзіміраўна, бухгалтар Зэльвенскай сельгасхіміі; ЖАК Міхаіл Станіслававіч, трактарыст-машыніст СВК “Сынкавічы”; МАРЦІНЧЫК Іван Браніслававіч, трактарыст-машыніст СВК “Міжэрычы”.