Сенокос — молочной реки источник

Арганізавана распачалі нарыхтоўку кармоў у СВК “Галынка”. Штогод колькасць жывёлы ў гаспадарцы павялічваецца, таму для грамадскай жывёлагадоўлі ствараецца паўтарагадавы запас кармоў. Сёлета, згодна плана, неабходна нарыхтаваць 13600 тон сенажу, 1465 – сена і 18750 – сіласу. Кармавое поле ў “Галынцы” даволі вялікае і добра да-гледжана. У гэтым годзе павялічылі пасевы бабовых траў, люцэрны і канюшыны. Таму ў сельгаскааператыве ўпэўнены, што запланаваныя паказчыкі будуць выкананы.

Да “зялёнага жніва” галынкаўцы падрыхтаваліся грунтоўна. Як паведаміў галоўны аграном гаспадаркі Мікалай Бяляўскі, своечасова пастаўлена на лінейку гатоўнасці кормаўборачная тэхніка, распрацаваны план мерапрыемстваў, умовы спаборніцтва, праведзены інструктажы з работнікамі, да іх даве-дзены ўмовы аплаты працы, прадугледжана двухразовае харчаванне. Зараз усё гэта – у  рабоце. 

У пачатку мая пачалі закладку сіласу са свірэпіцы. Нарыхтавалі  амаль паўтысячы тон. Гэты корм пры-значаны на кароткатэрміновае захоўванне, таму будзе скормлівацца каровам у летні перыяд. На гэтым тыдні прыступілі да касьбы траў першага ўкосу, што раней мінулагодняга перыяду. Травы не закладваюцца ў сянажныя траншэі, а прасуюцца ў рулоны і запраўляюцца ў плёнку. 

–Такая тэхналогія, – расказвае галоўны аграном, – у гаспадарцы выкарыстоў-ваецца другі год і мае шэраг пераваг. Яна забяспечвае высокую якасць корму, па пажыўнасці амаль не саступае канцэнтратам. Таксама мае невялікую залежнасць ад умоў надвор’я і дазваляе пачынаць касавіцу раней, чым звычайна. Праўда, ёсць у гэтым працэсе невялікі  мінус – значныя затраты на палімерную плёнку. Але ўсё кампенсуецца якасцю кармоў, якія, у першую чаргу,  паступаюць у кармушкі цялят. За два першыя дні за-кладзены 102 тоны сенажу ў рулонах з запланаванага – больш за 1000 тон.

Разам з галоўным аграномам накіроўваемся ва ўрочышча “Студзёнка”, якое знаходзіцца непадалёку в. Акцябр-ская. Па сенажаці рухаецца трактар з вялікім прэс-падборшчыкам “Тарнада”, збірае падсушаную  зялёную масу, якая праз пэўны час ператвараецца ў зялёны рулон. Да яго адразу пад’язджае другі трактар са спецыяльным прыстасаваннем і ў адно імгненне закручвае рулон у плёнку. Працуюць на сучаснай корманарыхтоўчай тэхніцы вопытныя механізатары Леанід Кіс-лы і Аляксандр Якубоўскі. 

Непадалёку працавала самаходная касілка “КС-80”. Тэхніцы ўжо больш за 12 гадоў, але ва ўмелых руках механізатара Вячаслава Жабаноса рухаецца рытмічна і ўпэўнена.

Каля в. Угрынь касьбу траў вёў на кормаўборачным комплексе КЗР -10 з дзевяціметровай касілкай айчыннай вытворчасці Міхаіл Шкнай.

– Дзённая норма вы-працоўкі складае 40–50 гектараў, – расказвае Міхаіл Міхайлавіч. – Гэта значна больш, чым на звычайных агрэгатах. Перад выхадам на сенажаць абавязкова праводжу тэхнічны агляд.  

На іншых участках “зялёнага жніва” задзейнічаны механізатары  Сяргей Якубоўскі, Віктар  Якубеня, Уладзімір Шмат і Іван Гарбар. Працай кожнага ў гаспадарцы задаволены.