Служба дни и ночи

У раённым Доме культуры адбылася святочная ўрачыстасць з нагоды  знамянальнай падзеі. У ёй прыняў удзел асабовы састаў раённага аддзела па надзвычайных сітуацыях, ветэраны пажарнай службы, прадстаўнікі ўлады і грамадскіх арганізацый.

Адкрыў мерапрыемства в.а. начальніка РАНС Сяргей Бурдук, які расказаў аб гісторыі стварэння, развіцці пажарнай службы рэспублікі і раёна. Шмат цёплых слоў прагучала ў адрас ветэранаў, якія самааддана служылі выбранай прафесіі. Сяргей Міхайлавіч назваў лепшыя падраздзяленні. Затым пад бурныя апладысменты прысутных уручыў узнагароды выратавальнікам-пажарным, якія вызначыліся ў службе.

Цёпла і сардэчна павіншавалі супрацоўнікаў РАНС намеснік старшыні райвыканкама Дзмітрый Валюк, старшыня раённага аддзялення Беларускага грамадскага таварыства ветэранаў МНС “Выратавальнік” Васілій Кічук. 

Работнікі раённага Дома культуры падарылі прысутным прыгожыя музычныя нумары.