У сандружыны готовность № 1

Своеасаблівай праверкай ступені гатоўнасці санітарных дружын і звенняў па пажаратушэнні прамысловых прадпрыемстваў і сельгасвытворчасці да дзеянняў у экстрэмальных сітуацыях сталі спаборніцтвы, якія прайшлі на гарадскім стадыёне «Колас». Яны праводзяцца штогод у рамках асноўных мерапрыемстваў па павышэнні падрыхтоўкі добраахвотных фарміраванняў дзяржаўнай сістэмы папярэджвання і ліквідацыі надзвычайных сітуацый і грамадзянскай абароны.

У дзень спаборніцтваў прадстаўнікі розных спецыяльнасцей перакваліфі-каваліся ў санітарных дружынніц і пажарных. Хваляваліся нават тыя, хто неаднаразова ўдзельнічаў у такіх спаборніцтвах.

– У наш неспакойны час, калі існуе пагроза тэхнагенных катастроф, прыродных катаклізмаў і стыхійных бедстваў, задача падрыхтоўкі такіх фарміраванняў грама-дзянскай абароны на прадпрыемствах і ў арганізацыях з’яўляецца вельмі актуальнай, –  падкрэсліў у прывітальным слове намеснік начальніка РАНС Сяргей Яскевіч. – Удзел у гэтых спаборніцтвах з’яўляецца не толькі адной з эфектыўных форм навучання аператыўным і правільным дзеянням у экстрэмальных сітуацыях, але і важным механізмам стварэння рэзерву з ліку грамадзян, якія валодаюць практычнымі навыкамі аказання першай медыцынскай дапамогі і тушэння пажараў. 

У час урачыстага па-страення ўдзельнікаў вітаў галоўны ўрач цэнтральнай раённай бальніцы Іосіф Каспярэц. 

Супрацоўнікі РАНС пастараліся, каб мера-прыемства прайшло зла-джана і арганізавана – падрыхтавалі пляцоўкі, устанавілі неабходнае абсталяванне. 

Распачалі спаборніцтвы сандружынніцы. Ім неабходна было пераадолець пяць асноўных этапаў: праверку аснашчэння санітарных сумак і іх напаўняльнасці, паказаць уменне карыстацца сродкамі індывідуальнай абароны (процівагазамі ці рэспіратарамі), дзеянні ў камбінаваным, хімічным і бактэрыялагічным ачагах паражэння. На кожным з этапаў камандам ставіліся пэўныя задачы, адво-дзіўся для іх выканання час. Пры праходжанні ачага камбінаванага паражэння санітарныя дружынніцы аказвалі пацяр- пеламу першую медыцынскую дапамогу: накладвалі шыны, рабілі перавязкі. Склалася ўражанне, што працуюць сапраўдныя прафесіяналы. У ядзерным ачагу сандружынніцы дэманстравалі, як трэба правільна праводзіць дэзактывацыю адзення, прымаць антыдот, аказваць дапамогу пацярпеламу і выйсці з ачага. У зоне хімічнага заражэння паказалі навыкі адзявання процівагаза, правядзення санітарнай апрацоўкі. Веды, звязаныя з арганізацыяй дэзынфекцыйных мерапрыемстваў, правяраліся ў бактэрыялагічным ачагу.

Па выніках спаборніцтваў лепшай прызнана сандружына СВК “Сынкавічы”, на другім месцы – санітарная дружына СВК “Галынка”, на трэцім – СВК “Караліно”.

Удзельнікам звенняў па пажаратушэнні давялося ў поўнай пажарнай амуніцыі дэманстраваць сілу, вынослівасць і мужнасць пры праходжанні камбінаванай эстафеты. Патрэбна было хутка пераадолець шчытавы бар’ер, прабегчы са скручанымі пажарнымі рукавамі, у час руху злучыць іх разгалінаваннем і з дапамогай вогнетушыцеля ліквідаваць ачаг узгарання. Выдатна справілася з пастаўленай задачай каманда МПМК-148, якая заняла на гэтым этапе першае месца. Другімі былі прадстаўнікі СВК “Сынкавічы”, трэцімі – прадпрыемства меліярацыйных сістэм. 

 На заключным этапе праходзілі спаборніцтвы па баявым разгортванні. Высокую ступень гатоўнасці, добрыя навыкі прадэманстравалі каманды СВК “Галынка” і ПМС. 

У агульным заліку лепшай прызнана каманда ПМС. Другое месца заняла каманда СВК “Галынка” і трэцяе – СВК “Сынкавічы”. Усе пераможцы былі адзначаны граматамі і грашовымі прэміямі.