В ритме музыки

У рамках музычнай гасцёўні “У свеце музыкі”, якая кожны год праходзіць у дзіцячай школе мастац-тваў з мэтай раскрыцця музычных і тэатральных здольнасцей вучняў, была падрыхтавана тэатралізаваная пастаноўка казкі “Музычны церамок”.  Несумненна, на вялікую сцэну хлопчыкам і дзяўчынкам куды лягчэй выйсці пад маскай казачнага героя.  

Пастаноўка была насычана песнямі і вершамі, ігрой на розных музычных інструментах. Цудоўна гучалі скрыпка і кларнет, цымбалы і гармонік. Увагу гледачоў – вучняў старэйшых класаў дзіцячай школы мастацтваў, бацькоў і педагогаў – прываблівалі прыгожыя яркія касцюмы і ўменне ўпэўнена трымацца на сцэне.  Выступленне юных артыстаў зал сустракаў бурнымі апладысментамі.

Выступленне Дашы Казлоўскай, Колі Жабруна, Дашы Кароза, Каці Пац, Сашы Лазоўскага, Веранікі Жук, Ільі Савосіка, Мішы Чэнскага стала яскравым сведчаннем таго, што ў дзіцячай школе мастацтваў даюць глыбокія веды, вучаць спяваць і танцаваць, іграць на музычным інструменце. Шматлікія мерапрыемствы, якія тут праходзяць, заўсёды вельмі цікавыя і насычаныя. Не дзіўна, што для дзяцей установа стала сапраўдным домам музыкі, дзе можна адкрыць у сабе таленты і іх развіваць. Паверце, мастацтва здольна тварыць цуды!