Высокий прыжок Юлии Головко

У Гродне прайшло абласное першынство па лёгкай атлетыцы сярод падлеткаў. За галоўны прыз спаборніцтваў змагаліся і выхаванцы Зэльвенскай ДЮСШ. На працягу двух дзён яны даволі паспяхова выступалі ў розных лёгкаатлетычных відах: бегу на розныя дыстанцыі, спартыўнай хадзьбе, скачках у даўжыню, штурханні ядра, кіданні кап’я, дыска і молата.

У малодшай узроставай групе выдатны вынік паказаў вучань гімназіі №1 г.п.Зэльва Максім Жабрак. Ён стаў пераможцам у кіданні кап’я і бронзавым прызёрам у кіданні молата. Другія месцы ў бегу на дыстанцыі 60 і 300 метраў заняў Ілья Ляута з Дзярэчынскага дз/с-СШ. 

Айлара Шадыева з гімназіі №1 вызначылася ў кіданні кап’я. 

У старэйшай узроставай групе ў скачках у вышыню перамогу заваявала Юлія Галаўко (СШ №2).

 Пераможцай у скачках з шастом стала былая вучаніца Князеўскай гімназіі, а зараз выхаванка школы алімпійскага рэзерву Аляксандра Свістун. 

– Выступленні зэльвенскіх спартсменаў нас парадавалі, – адзначае дырэктар ДЮСШ 

Генадзій Галаско. – Лёгкаатлеты паказалі выдатную спартыўную падрыхтоўку і майстэрства. Добрыя вынікі так проста не даюцца, яны дасягаюцца пастаяннымі напружанымі трэніроўкамі. Усебакова падрыхтавалі да спаборніцтваў сваіх вучняў трэнеры Уладзімір Качук і Ганна Каленка.

 Пажадаем зэльвенскім лёгкаатлетам новых спартыўных дасягненняў.